Повеќе од 12 лица загинаа како последица на бурата Даниел, која минатата недела ги погоди Грција, Турција и Бугарија.
Брачна двојка од Австрија која ја избра Грција како дестинација за меден месец загина во силното невреме што ја зафати земјата на почетокот на септември, потврди австриското Министерство за надворешни работи. Млад пар загинал кога куќата во која престојувале ја однел силен дожд.
На 6 септември поплави ја зафатија викендицата во одморалиштето Потистика кај планината Пелион во морето. Имињата на жртвите не се официјално објавени, но портпаролот потврди за Би-Би-Си дека станува збор за австриски државјани. „Со споредување на ДНК профилот, потврден е идентитетот на исчезнатите лица“, рече тој.
Сопственикот на викендицата за Би-Би-Си открил дека ја советувал австриската двојка да се искачи на поголема надморска височина, како и неговите други гости, но тие решиле да се засолнат во бунгаловот што го изнајмиле за меден месец . „Ситуацијата беше навистина лоша, беше тешко да се одлучи што да се прави во таков момент“, додаде тој.
Повеќе од 12 лица загинаа како резултат на бурата Даниел , која минатата недела ги погоди Грција, Турција и Бугарија. Во поплавите загинаа најмалку 15 луѓе, а илјадници останаа без покрив над главата, додека 30 села беа отсечени од светот и под сериозна закана од болести. Во некои грчки региони паднаа и до 800 милиметри дожд на метар квадратен, што е повеќе од врнежите во целата година.
Научниците предупредуваат дека повеќе вода ќе испари во текот на летото поради глобалното затоплување , што доведува до поинтензивни бури. Покрај поплавите, Грција беше опустошена и од пожари ова лето, вклучувајќи го и најголемиот регистриран пожар во ЕУ кој однесе најмалку 20 животи.