На социјалните мрежи циркулира зачудувачко видео кое го прикажува моментот кога пилот лета директно во центарот на застрашувачки ураган .
Експертите предвидуваат дека Ерин ќе стигне до источниот брег на Соединетите Американски Држави, носејќи силни ветрови, обилни дождови и опасни морски струи, објавува LadBible .
Ерин ја поврати својата сила.
Иако привремено ослабе, Ерин ја врати силата, а ветровите во еден момент достигнаа брзина од 210 км/ч, според Националниот центар за урагани.
Моментално се наоѓа во близина на Карипските острови , а извештајот на Би-Би-Си покажува дека повеќе од 150.000 луѓе во Порторико останале без електрична енергија поради оштетување на далноводите од силни ветрови.
Потоа се очекува Ерин да помине покрај Бахамите, пред да се приближи до источниот брег на САД во наредните денови. Засега не се предвидува дека ќе извршат директен копнен удар.
Ураганот под лупа на експертите
Додека повеќето луѓе бегаат од бура, тимовите познати како „ловци на урагани“ од Националната океанска и атмосферска администрација (NOAA) и воздухопловните сили на САД прават токму спротивното – летаат директно во екстремни временски услови за да соберат важни податоци.
Во неверојатното видео, го гледаме таканареченото око на ураганот Ерин, како се засили на петта категорија во текот на викендот. Иако изгледа мирно, со сино небо и слаб ветер, еден момент подоцна пилотите наидуваат на силни налети на ветер.
Експертите објаснуваат дека ваквите напори се клучни за прецизно мерење на централниот притисок и брзината на ветерот.