– Повеќе од 520.000 членови ја напуштија Германската католичка црква во 2022 година, што е најголем број досега.
Германската католичка црква во моментов има повеќе од 20,9 милиони членови, што претставува 24,8 отсто од населението, во споредба со 26 отсто во 2022 година, според истражувањето на Германската бискупска конференција (ДБК).
Минатата година црквата ја напуштиле 522.821 лице, што е најголема бројка досега. Во 2021 година таа бројка изнесувала 359.000, а годината претходно 221.000, наведува БДК.
Томас Шулер, експерт за католичко канонско право, за германската новинска агенција ДПА изјави дека црквата „умира во мачна смрт“ пред јавноста.
Претседателот на ДБК, бискупот Георг Батцинг, рече дека бројките се „алармантни“.
„Не можеме и нема да замижиме пред овие случувања“, рече Батцинг.