Фудбалерите на лисабонски Спортинг со подобро изведување на ударите од 11 метри (5:3) го исфрлија водечкиот тим во англиската Премиер лига, Арсенал од Лига Европа, откако резултатот по 120 минути игра беше 1:1.
Арсенал поведе во 19. минута од натпреварот со голот на нивниот капитен Гранит Џака. „Топчиите“ беа подобриот тим до 62. минута, кога Педро Гонкалвеш го постигна најефикасниот гол во сезоната. Го фати на „спиење“ домашниот голман Арон Рамсдејл и со одличен лоб од повеќе од 40 метри го израмни резултатот на 1:1.
Со оглед на тоа што натпреварот во Лисабон заврши 2:2, натпреварот во Лондон имаше дополнителни 30 минути игра. Во продолжението херојот на Спортинг беше голманот Антонио Адан, кој во самата завршница го одбрани ударот со глава на Габриел Жесус. Гостите потоа останаа со играч помалку, бидејќи Мануел Угарте заработи втор жолт картон поради груб старт. Сепак, домашните немаа доволно време да ја искористат бројната предност.
Голманот на гостите Адан беше клучна фигура во ударите од 11 метри, бидејќи во четвртата серија го одбрани ударот на Бразилецот Габриел Мартинели, а во следниот удар беше прецизен Нуно Сантос, исто како и претходните четворица изведувачи на Спортинг, со што Португалците обезбедија пласман во четвртфиналето на Лига Европа.