Барселона го победи Реал Мадрид со 3:2 по продолженијата во спектакуларното финале на Копа дел Реј, обезбедувајќи го својот 32. трофеј во ова натпреварување. Натпреварот одигран на стадионот „Ла Картуја“ во Севиља изобилуваше со возбудувања, пресврти и контроверзни судиски одлуки.
Барселона прва поведе со голот на Педри во 28. минута на асистенција на младиот Јамал.
Сепак, Реал Мадрид се врати во игра кога Килијан Мбапе израмни од слободен удар во 70. минута. Недолго потоа, Аурелиен Чоамени им донесе водство на Мадрид со глава од корнер, но Барселона не се предаде.
Феран Торес на само шест минути пред крајот израмни на 2:2, повторно по асистенција на Јамал.
Во судиското продолжение, по бројните обиди од двете страни, дојде решавачкиот момент кога Жил Кунде со силен удар од 25 метри погоди за конечни 3:2 и и го донесе големиот трофеј на Барселона.
Натпреварот го одбележаа и жестоки реакции, а Антонио Рудигер во самиот крај беше исклучен, иако беше на клупата, поради неспортско однесување кон судијата.