Актерот кој го играше во суперпопуларната серија, а беше толку убедлив што многумина дури и приватно го идентификуваат со големиот владетел, мора да оди во затвор.
Халит Ергенч беше осуден на оваа казна бидејќи учествуваше во протестите што се одржаа во Истанбул во 2013 година.
Две години и три месеци – тоа беше пресудата. Во меѓувреме, таа беше намалена на една година и десет и пол месеци „поради примерно однесување за време на судењето“. Халит Ергенч беше прогласен за виновен за учество во протестите што го потресоа Истанбул во 2013 година, кои избувнаа кога властите одлучија да сечат дрвја во паркот Гези во населбата Таксим за да се изгради трговски центар.
Истражителите веруваа дека актерот и неговиот колега Риза Коачоглу дале контрадикторни одговори кога биле прашани дали имале некаков контакт со обвинетиот во бегство. И двајцата рекоа не, но подоцна беше утврдено дека Халит разменил неколку СМС-пораки со бегалецот. Тој беше прогласен за виновен за лажно сведочење.
Мирните протести набрзо се претворија во масовни демонстрации против тогашниот премиер Таип Ердоган, кои се проширија низ целата земја и дијаспората. Пет лица загинаа во немирите.
Веста дека Халит Ергенч е осуден на затвор предизвика голем шок, како во Турција, така и меѓу фановите на популарната серија низ целиот регион.