Судот во Русија осуди на 10 дена затвор човек кој со прст во снегот на влез на лизгалиште во московскиот парк „Горки“ напиша „Не за војна“. Според судските документи, инцидентот се случил на 23. ноември, а лицето по име Дмитриј Фјодоров е осудено следниот ден откако полицијата го привела.
Полицијата оценила дека неговиот чин може да се смета за граѓански прекршок според законот, кој ги таргетира сите за кои се смета дека јавно дејствувале за да ги дискредитираат руските вооружени сили, прекршок кој во неговиот случај се казнува со парична казна.
Новите закони за сузбивање на несогласувањето дојдоа веднаш откако претседателот на Русија, Владимир Путин, испрати десетици илјади војници во Украина во февруари 2022 година во, како што ја нарече инвазијата според него – „специјална воена операција“. За оние кои се противат на руската војна во Украина, јавното говорење оттогаш стана ризично, при што критичарите велат дека речиси 20.000 луѓе се приведени и повеќе од 800 кривични случаи се отворени.
Дмитриј Фјодоров, кој пред судот признал дека ја напишал антивоената порака, добил десет дена затвор затоа што не ја послушал полицијата и наводно одбил да оди во полициска станица, што тој тоа го негира, според судските документи. Тој, исто така, бил казнет со необјавена сума – очигледно затоа што напишал „Не на војната“ – според извештаите на руските медиуми, иако тоа не беше споменато во судските документи објавени на Интернет.
Властите велат дека е потребно максимално единство во време кога Русија е затворена во она што Владимир Путин – кој се очекува да бара уште еден шестгодишен мандат следната година – го опиша како егзистенцијална битка со Запад. Критичарите ги обвинуваат властите за брутално затворање и казнување на оние што им се спротивставуваат.
Претходно овој месец, судот во Санкт Петербург осуди уметница која ги замени ознаките на супермаркетите со пораки кои повикуваат на прекин на војната во Украина на седум години затвор, во пресудата што нејзините поддржувачи ја нарекоа срамна пародија на правдата.