Украинскиот министер за надворешни работи Дмитро Кулеба ја повика Германија во интервјуто објавено во неделата да го забрза снабдувањето со муниција и да започне со обука на украински пилоти за западните борбени авиони.
Кулеба за весникот Bild изјави дека недостигот на муниција е проблемот „број еден“ во обидот на Украина да одбие руска инвазија.
Тој додаде дека германските производители на оружје му рекле на Минхенската безбедносна конференција минатиот месец дека се подготвени за испорака, но чекаат владата да ги потпише договорите.
„Значи, проблемот е во владата“, посочи Кулеба.
Украинскиот министер јасно стави до знаење дека не очекува западните сојузници наскоро да и ги дадат на Украина борбените авиони што ги бараше.
Сепак, тој кажа дека украинските пилоти треба да бидат обучени, за да бидат подготвени кога ќе биде донесена таа одлука, пишува весникот.
„Ако Германија обучува украински пилоти, тоа би била јасна порака за нејзината политичка вклученост“, истакна тој.
Кулеба, исто така, кажа дека Украина ќе продолжи да го брани градот Бахмут, град кој е во фокусот на руските напади во последните шест месеци.
„Ако се повлечеме од Бахмут, што би се променило тоа ? Русија би го презела Бахмут и потоа би ја продолжила офанзивата на Часив Јар, па секој град зад Бахмут би можел да ја доживее истата судбина“.
Запрашан колку долго украинските сили би можеле да го држат градот, тој одби да даде конкретен одговор, споредувајќи ги со луѓе кои ја бранат нивната куќа од натрапник кој се обидува да ги убие и да земе се што имаат.
Русија ги нарекува своите акции во Украина „специјална воена операција“ за борба против, како што ја опишува како безбедносна закана од врските на Украина со Западот, аргумент што Киев и Западот го отфрлија.