Поранешниот легендарен напаѓач, а подоцна и спортски директор на Реал Мадрид, Предраг Мијатовиќ отворено зборуваше за иднината на Карло Анчелоти.
Мијатовиќ во една радио програмата изрази сомнеж дека Анчелоти ќе продолжи да го води Реал Мадрид по завршувањето на тековната сезона.
„Последните изјави на Анчелоти искрено ми звучат како мало збогување. Имам такво чувство. Ако го освои Купот, тогаш ќе освои сè овде во последните две години. Не знам кој друг го може тоа, но тој е лут. Можеби знае нешто што ние не го знаеме“, објаснува Мијатовиќ.
Мијатовиќ има неизмерна почит кон италијанскиот стручњак на клупата на „Кралскиот клуб“ и тоа не го крие.
„Карло Анчелоти е еден од најдобрите тренери, ако не и најдобар. Многумина го сметаат за многу добар тренер, но тој исто така одлично го подготвува тимот за натпреварите. Да се води клуб како Реал Мадрид е многу неблагодарна работа. Ако Анчелоти успее да ја освои Лигата на шампионите, мислам дека треба да продолжи во 99% од времето. Менувањето на тренерот по освојувањето на Лигата на шампионите испраќа чудна порака, иако сигурно не знаеме се што се случува во клубот. Се е можно“, додаде Мијатовиќ.
Реал Мадрид сезонава има шанса за титулата во Купот каде ќе го игра финалето против Осасуна и во Лигата на шампионите каде во четвртфиналето ќе ги одмери силите со Челзи. Во шпанското првенство на десет кола пред крајот на сезоната заостанувањето зад лидерот Барселона со 13 бода.