Американскиот психолог Филип Зимбардо, креаторот на контроверзниот експеримент „Затворот Стенфорд“, почина на 92-годишна возраст.
Овој експеримент имаше за цел да ги испита околностите и однесувањето на поединците кои доброволно се пријавија да учествуваат во експериментот , во улога на чувари и затвореници.
Во студија од 1971 година, Зимбардо и тим дипломирани студенти регрутирале млади мажи да поминат две недели во симулиран затвор во подрумот на зградата на студентскиот дом во Стенфорд.
Експериментот „Затворот Стенфорд“ беше прекинат по шест дена
Студијата беше прекината по шест дена бидејќи студентите кои играа чувари станаа навредливи, додека оние кои глумеа затвореници се чувствуваа вознемирени, емоционално депресивни и лути, се вели во соопштението на Стенфорд.
Зимбардо е критикуван дека ја презема улогата на менаџер, станувајќи активен учесник во студијата, наместо неутрален набљудувач.
„Исходот од нашата студија беше шокантен и неочекуван“, напиша Зимбардо по експериментот.
Врз основа на неговиот експеримент беа снимени два филма – германската верзија „Das Experiment“ од 2001 година и „Experiment“ од 2010 година, во кои главните улоги ги толкуваа Адриен Броди и Форест Витакер.