Руското Министерство за одбрана денеска соопшти дека извршило масовен напад во текот на ноќта врз украинскиот воено-индустриски комплекс користејќи оружје со долг дострел од воздух, копно и море и беспилотни летала.
Во соопштението за печатот се наведува дека се погодени фабрики во украинската авијација, ракетна и вселенска индустрија, машинско и производство на оклопни возила, како и капацитети за производство на ракетно гориво и барут, пренесува Ројтерс.
Украинските власти објавија дека во текот на ноќта Русија го бомбардирала Киев со ракети и беспилотни летала и дека во нападите загинале најмалку 10, а ранети се 90 лица, пренесува Укринформ.
„До 16 часот и 45 минути, бројот на загинатите во рускиот напад на главниот град се искачи на 10 лица, а 90 се повредени“, објави прес-службата на Државната служба за вонредни состојби на Украина на каналот Телеграм.
Во нападот беа погодени и регионите Харков, Дњепропетровск, Житомир, Запорожје и Хмелницки.
Во главниот град на Украина 25 април е прогласен за Ден на жалост.