Директорот на ЦИА, Вилијам Барнс, итно заминува за Киев, каде ќе има средба со претседателот на Украина, Володимир Зеленски, пишува Asia Times.
Сега вреди да се постави прашањето – зошто Вилијам Барнс итно замина во Украина, праша новинарот на Asia Times, Стивен Брајан, кој го даде и одговорот на тоа прашање – „затоа што Украина ќе се распадне“ !?
Стивен Брајан наведува дека украинскиот систем е пред колапс, што, според него, не е изненадувачки.
„Украина имаше премногу жртви за да преживее многу подолго. Украина мора или да најде начин да се договори со Русија или да се соочи со внатрешен бунт“, се наведува во текстот објавен пред два дена.
Новинарот пишува и дека Володимир Зеленски ја подготвува сцената за чистка и апсење на првиот човек на украинската Армија, генералот Валериј Залужни. Веројатно, наведува Стивен Брајан, претседателот на Украина ќе подготви терен и за разрешување на тројца генерали поврзани со Валериј Залужни, а потсетува и дека главниот помошник на Валериј Залужни веќе загинал во, како што беше соопштено, несреќа.
Со други зборови, Володимир Зеленски се подготвува да ги смени тројцата главни команданти на вооружените сили на Украина, Сергеј Наев, командантот на оперативно-стратешката група „Таврија“, Александар Тарнавски и командантот на медицинските сили на вооружените сили на Украина, Татјана Осташченко.
Според Стивен Брајан, Украина поминала низ „три фази“ на војната, при што повеќето од сегашните војници се необучени постари мажи, жени и момчиња. Тие стануваат практично топовско месо во обидите да ги спречат Русите. Но, на Русија не и се „брза“, се наведува понатаму во анализата.
Руската стратегија е да ги искрвари украинските вооружени сили и да создаде политичка криза во Киев. Тие напори се реализираат, пред истекот на рокот, што ги изненади не само Русите, туку и западните сојузници на Украина.
Веќе е познато дека во Киев избувна внатрешна војна меѓу Володимир Зеленски и неговата бирократија од една страна и раководството на украинската Армија од друга страна.
Стана толку очигледно кога генералот Валериј Залужни јасно му кажа на The Economist дека на украинската војна и треба прекин односно прекин на огнот.
Но, и Русија не брза за примирје, бидејќи засега немаат поттик да го направат тоа доколку војниците на НАТО останат во близина на границата, се наведува понатаму во текстот објавен во Asia Times.
Авторот на текстот смета дека една од клучните грешки на Володимир Зеленски и на првиот човек на украинската воено разузнавачка служба Кирил Буданов е нападот на руска територија, бомбардирањето на критичната инфраструктура, уништувањето на аеродромот со нуклеарни бомбардери и испраќање беспилотни летала камикази над Кремљ, а тоа е затоа што им покажа на руските лидери колку Украина е опасна за руската национална безбедност. Овие напади го направија речиси невозможно постигнувањето договор меѓу Украина и Русија, освен ако, како што бараат Русите, НАТО не се повлече и Украина не се демилитаризира.
Украина сега може да очекува одмазда, бидејќи има извештаи дека Русите набавиле 1.000 или повеќе проектили за да истрелаат врз украинската инфраструктура. Во зависност од тоа што ќе се случи во наредните денови во Киев, Русија најверојатно ќе користи инфраструктурни напади за уште повеќе да ја притисне Украина.
Вилијам Барнс ќе се обиде да го убеди Володимир Зеленски да „молчи“ затоа што веќе има доволно услови Армијата да се побуни. Ако одлучи да молчи, особено додека Конгресот зема милијарди долари повеќе за Украина, тој ќе има шанса да преживее, се наведува во текстот.
Се посочува и дека Володимир Зеленски успева да остане на власт затоа што купува лојалност, односно дозволува функционерите да крадат колку што можат и со тоа да останат лојални.
Противниците на Володимир Зеленски добро ја знаат оваа корупција и јавно зборуваат за тоа, а сега се чека каква ќе биде реакцијата на американскиот Конгрес кој и дава пари на Украина.
Вилијам Барнс, кој итно заминува за Киев, не може да оди против политиката на Вашингтон, која е да ја одложи војната во Украина додека Џо Бајден не биде реизбран за претседател на САД.
Покрај тоа, Вашингтон сака НАТО да е присутен во Украина. Додека Вашингтон знае дека не може да ја внесе Украина во НАТО додека Украинците не ја добијат војната и откако Џо Бајден ќе биде реизбран, САД можат да почнат да распоредуваат вистински борбени сили на НАТО, почнувајќи од воздухопловните сили. Затоа, Вашингтон е подготвен да ја ризикува долгорочната стабилност и одржливост на НАТО во име на обидот да постави бази на НАТО во Украина во област која Русија ја смета за исклучително чувствителна.
Но, политиката во Вашингтон е многу опасна. Војна на НАТО со Русија, ако дојде до тој момент, ќе ја уништи Европа. Светот не е подготвен за ваква војна ниту сега, ниту во следните пет години. Згора на тоа, не е јасно дали политиката на Вашингтон има поддршка меѓу земјите-членки на НАТО, се вели во текстот на Asia Times.
Веројатно и Русите не сакаат војна во Европа, бидејќи конфликт од такви размери лесно може да вклучи тактичко нуклеарно оружје. Со оглед на распоредот што Вашингтон го има предвид, Русија ќе биде под притисок да ја заврши војната во Украина во рок од една година. Ова би можело да ја натера Русија да ги насочи своите напади врз Киев или, алтернативно, други големи украински градови, како Одеса и Харков на врвот на целната листа.