Компанијата Neuralink, во сопственост на мултимилијардерот Илон Маск, на почетокот на неделава објави дека првите потешкотии во функционирањето на нивниот мозочен имплант (чип) се појавиле откако овој имплант бил инсталиран кај човек.
Имено, имплантот бил поставен во мозокот на 29-годишниот Ноланд Арбо во јануари оваа година. Во тоа време, Neuralink тврдеше дека овој потфат помина исклучително добро.
Сепак, тешкотиите настанаа откако бројни ултрафини нишки почнаа да се извлекуваат од мозокот на Арбо. Ова значеше и помалку ефикасни електроди, што резултираше со помала способност на Neuralink да ја мери брзината и точноста на имплантот. Не беше наведено колку ултрафини нишки се повлечени.
Од Neuralink уверуваат дека нашле решенија за споменатите тешкотии. Волстрит журнал, американски деловен весник, објави дека претходно се сметало дека имплантот е целосно отстранет, но дека тешкотиите не претставуваат опасност за Арбо. Недолго по поставувањето на имплантот, тој можеше да игра шах користејќи ги само своите мисли.
Neuralink не е единствената компанија која работи на развој на импланти со цел да им овозможи на лицата со посебни потреби да се движат, пренесува CNBC.