Најмалку едно лице загина, а неколку други се повредени во тешка сообраќајна несреќа што се случи околу 3:10 часот наутро на автопатот А3 во Хрватска .
Според првичните информации, во несреќата учествувал автобус со регистарски таблички на БиХ. Полицијата изјави дека несреќата се случила помеѓу 82-от и 83-от километар од јужната и северната страна на автопатот, и дека сообраќајот бил во прекин од двете страни.
На фотографиите обезбедени од порталите Osijek Express и Index.hr , може да се види дека автобусот е целосно уништен во несреќата. Автобусот бил превртен во десната лента, а околу него биле расфрлани работи.
Засега не е познато како дошло до несреќата.
Во тек е полициска истрага со цел да се утврдат сите околности на трагедијата, поради што сите служби за итни случаи се на терен.
ХАК, исто така, изјави дека сообраќајот на автопатот А3 Брегана-Липовац помеѓу клучките Поповача и Криж е во прекин во двата правци поради оваа несреќа.
Колоната возила на раскрсницата Поповача во правец на Брегана е долга околу 7 километри.