Земјотресот се случил на длабочина од 68,9 километри, со епицентар лоциран на околу 58 километри североисточно од малиот град Елунда.
Локалните жителите за грчките медиуми изјевиле дека земјотресот траел невообичаено долго. Сепак, перцепираното времетраење на земјотресите не е нешто што официјално го бележат агенциите за следење, пренесе ДПА.
Според грчкиот весник „Прото Тема“, земјотресот силно се почувствувал и на Пелопонез, Кикладите, дури и до Кипар.
Танасис Ганас, шеф на одделот за истражување во Геодинамичкиот институт во Атина рече дека не очекува речиси никакви последователни потреси.
Како мерка на претпазливост, грчката управа за справување со катастрофи издаде предупредување за цунами, испраќајќи СМС пораки до луѓето во погодениот регион. Сепак, цунами не е регистриран.
Лизгање на земјиштето на локален пат и мали штети на објекти, предизвика земјотресот со јачина од 6,1 степени што утрово беше регистриран во морскиот дел на околу 60 километри северно од островот Крит, а според грчките сеизмолози нема простор за загриженост, јави дописничката на МИА од Атина.
Училиштата на Крит ќе останат отворени, засега не постои опасност од цунами, а претседателот на Организацијата за антисеизмичко планирање и заштита на Грција Ефтимиос Лекас за грчките медиуми посочи дека е позитивно што земјотресот бил со голема длабочина и оцени дека не се очекува интензивна последователна серија земјотреси.
Дополнително објасни дека со оглед на тоа што епицентарот е во подводниот дел и е доста далеку од Крит, последиците од земјотресот се мали, но и дека бил почувствуван во речиси пола Грција.
Земјотресот беше почувствуван и на Пелопонез, Кикладите, Кипар, дури и во делови на Атина, а во Ираклио во северниот дел на Крит, паднаа делови од фасадата од постар објект во центарот на градот, а поради јачината, во продавниците производите паднале од полиците.
Градоначалникот на општина Ираклио Алексис Калокеринос во изјава за медиумите рече дека не постои никаков проблем, училиштата ќе останат отворени, а доколку е потребно, ќе се преземат дополнителни мерки.
– Нема да ги затвориме училиштата, разговарав со градоначалниците на околните општини, активирана е и групата за итни интервенции на цивилната заштита од нашата општина, рече Калокеринос.
Градоначалникот на општина Ситиа во североисточниот дел на Крит Јоргос Зервакис, за телевизијата Скај посочи дека беше еден од најсилните земјотреси во регионот и нагласи дека не постои никаков проблем во статичноста на училиштата
Танасис Ганас, шеф на одделот за истражување во Геодинамичкиот институт во Атина рече дека не очекува речиси никакви последователни потреси.
Пред помалку од десет дена земјотрес со јачина од 6,1 степен беше регистриран и во морскиот дел кај грчките острови Касос и Родос, што беше почувствуван и на Крит, но не беше предизвикана материјална штета.
Во изминатите денови имаше серијата помали земјотреси што го потресоа северниот дел на Евија, вториот по големина остров во Грција.