Најголемата антимонархистичка група во Велика Британија, Република, го пријави принцот Ендрју во лондонската полиција по неодамнешното објавување на скандалозните судски документи кои го поврзуваат со осудениот педофил Џефри Епштајн.
Документите што ги сподели со јавноста судот во Њујорк вклучуваат наводи дека братот на британскиот крал Чарлс III сексуално користел малолетничка, што принцот Ендрју истото го негира.
Наводната жртва е Вирџинија Џуфре, која претходно се откажа од анонимноста за да каже дека Џефри Епштајн трипати ја продавал на војводата од Јорк, пишува Times.
Принцот Ендрју претходно ги отфрли сите обвинувања и кажа дека не се сеќава на средбата со Вирџинија Џуфре, додека Скотланд Јард одби да коментира дали ќе ги преиспитаат наводите против војводата.