Од понеделникот започна голем топлотен бран, кој според сегашните прогнози треба да трае најмалку цела наредна недела. Затоа, потребно е да бидете внимателни и да се заштитите кога сте изложени на високи температури. Топлотниот удар е најсериозната болест поврзана со топлото време и бара итна медицинска помош.
Некои од симптомите, како што се висока телесна температура, прекумерно потење и главоболка, се сосема познати работи. Сепак, постојат неколку знаци кои се малку поневообичаени, вклучувајќи немир, раздразливост и нејасен говор. Ваквото однесување може да значи дека лицето треба да оди на доктор што е можно поскоро.
Најчестите симптоми на топлотен удар на кои треба да внимавате се:
• изменета ментална состојба
• конфузија
• нејасен говор
• замор
• губење на свеста
• топла и мрсна кожа
• гадење и повраќање
• напади
• забрзано дишење
• забрзано чукање на срцето
• главоболка
За да ја намалите температурата, треба да се преселите на поладно место, да ја отстраните сета непотребна облека, како чорапите, да пиете вода или пијалок за рехидратација и да ја оладите кожата со ладни облоги.
Оние над 65 години или со постоечки здравствени проблеми, вклучувајќи проблеми со дишењето и срцето, се најмногу изложени на ризик од топлотен удар. За да се заштитите, пијте повеќе течности, носете светла, лесна облека и избегнувајте да бидете на сонце помеѓу 10 и 17 часот. Исто така, се препорачува избегнување на прекумерно консумирање алкохол и екстремно вежбање.