Протече неверојатниот хонорар што Маргот Роби го доби за улогата на Барби: Стана најплатената актерка во Холивуд

На австралиската ѕвезда (32) и биле исплатени милиони американски долари за да ја „оживее“ познатата кукла на Мател, открива Variety.

Маргот Роби е официјално најплатената актерка во Холивуд благодарение на хонорарот за филмот „Барби“ во режија на Грета Гервиг, според угледниот американски Variety.

На австралиската ѕвезда (32) и беа платени (за женски актери) неверојатни 12,5 милиони американски долари за да глуми покрај Рајан Гослинг како Кен во долго очекуваниот филм. Последната заработка на Роби го надмина нејзиниот претходен хонорар од 10 милиони долари за блокбастерот „Птици грабливки“ од 2020 година.

Гослинг, наводно, заработил иста плата како неговата колешка од Барби, а двајцата се изедначија на 16-то место на најновата листа на Variety за највисоки заработувачки во Холивуд.

Веднаш по Роби, според оваа листа, втора најплатена актерка е Мили Боби Браун, која заработила хонорар од 10 милиони долари за главната улога во „Енола Холмс 2“.

Првото место го држи Том Круз благодарение на неговиот нов хит „Top Gun: Maverick“. Круз, кој не само што е ѕвезда на ова продолжение на култниот филм, туку и неговиот продуцент, се очекува да заработи повеќе од 100 милиони долари од билетите за филм, неговата плата и приходите од стриминг.

Веста за хонорарот на Маргот Роби дојде неколку дена по завршувањето на продукцијата на филмот „Барби“, чие снимање траеше четири месеци. Долгоочекуваната романтична комедија, се разбира, се заснова на линијата на истоимените иконски кукли на Мател. Роби долго време е приврзана за улогата на Барби и и најави на публиката дека филмот ќе биде многу поразличен од она што луѓето го очекуваат.

„Луѓето веднаш имаат претпоставки. „О, Маргот ја игра Барби, знам што е тоа“. Но, нашата цел беше – што и да мислите, ќе ви дадеме нешто сосема друго; она што не сте знаеле дека го сакате“, рече Роби.

Синопсисот на филмот на ИМДБ гласи: „Куклата што живее во „Барбиленд“ е исфрлена бидејќи не е доволно совршена и тргнува во авантура во реалниот свет…“ Тогаш таа сфаќа дека внатрешноста е поважна од нејзиниот надворешен изглед. „Барби“, првата долгометражна адаптација на приказната за култната кукла, пристигна во кината во јули 2023 година.

НАЈПЛАТЕНИ ФИЛМСКИ ЅВЕЗДИ

1. Том Круз – 100 милиони долари и повеќе (Top Gun: Maverick)
2. Вил Смит – 35 милиони долари (Еманципација)
3. Леонардо ди Каприо – 30 милиони долари (Killers of the Flower Moon)
4. Бред Пит – 30 милиони долари (Формула 1 драма)
5. Двејн Џонсон – 22,5 милиони долари (Black Adam)
6. Вил Ферел и Рајан Рејнолдс – 20 милиони долари (Spirited)
7. Крис Хемсворт – 20 милиони долари (Екстракција 2)
8. Вин Дизел – 20 милиони долари (Fast X)
9. Том Харди – 20 милиони долари (Веном 3)
10. Хоакин Феникс – 20 милиони долари (Џокер 2)
11. Дензел Вашингтон – 20 милиони долари (The Equalizer 3)
12. Џејсон Момоа – 15 милиони долари (Аквамен и изгубеното кралство)
13. Еди Марфи – 15 милиони долари (Полицаец од Беверли Хилс 4)
14. Крис Пајн – 13 милиони долари (Ѕвездени патеки)
15. Стив Карел – 12,5 милиони долари (Minions: The Rise of Gru)
16. Рајан Гослинг и Маргот Роби – 12,5 милиони долари (Барби)
17. Мили Боби Браун – 10 милиони долари (Енола Холмс 2)
18. Timothée Chalamet – 9 милиони долари (Wonka)
19. Мет Дејмон, Роберт Дауни Џуниор и Емили Блант – 4 милиони долари (Oppenheimer)
20. Даниел Калуја – 4 милиони долари (Не)
21. Џејми Ли Кертис – 3,5 милиони долари (Ноќта на вештерките завршува)
22. Ања-Тејлор Џој – 1,8 милиони долари (Furiosa)