Проѕирен LG телевизор пуштен во продажба: Цената е боли глава

На почетокот на оваа година, LG го претстави првиот безжичен транспарентен телевизор, моделот LG OLED T. Овој телевизор сега е во продажба.

Станува збор за телевизор со екран во дијагонала од 77 инчи, а според информациите на официјалната веб-страница на LG, чини 60.000 долари.

Како што рекоа од LG, OLED T има 4K резолуција и LG технологија за безжичен пренос на аудио и видео. Исто така, има екран кој се спушта или се крева со притискање на копче.

LG’s new 77-inch transparent OLED TV is now on sale for $60,000.

Featuring 4K at 120 Hz, an AI processor, and a sliding black shutter to adjust transparency, it also includes a sleek stand with glass shelves. pic.twitter.com/wSd4iudPpl

— LIANDR (@TechLiandr) December 19, 2024

Се напојува со новиот LG Alpha 11 AI процесор со четири пати подобри перформанси од претходната генерација чип. Дополнителната моќност нуди 70% повисоки графички перформанси и 30% поголема брзина на обработка, како што тврдат од компанијата.

Моделот OLED T работи со уредот Zero Connect Box и безжично испраќа видео и аудио сигнали до телевизорот – конзолите и другите уреди за стриминг ги поврзувате, се разбира, на оваа кутија, а не директно на телевизорот.

На почетокот, некои од визуелните прикази на OLED T се малку застрашувачки, бидејќи се чини дека она што го гледате на телевизорот е всушност во вашата соба.