Рускиот претседател Владимир Путин се обрати до нацијата. Во една кратка реченица, тој го коментираше крајот на војната во Украина.
Рускиот претседател Владимир Путин изјави дека Русија верува оти резултатот од специјалната воена операција во Украина треба да биде долгорочен мир, обезбедување на безбедноста на Русија и заштита на интересите на рускојазичниот регион во Украина.
Путин во интервју за руската државна телевизија изјави дека Русија има доволно сила да ја заврши војната во Украина со посакуваниот исход.
– Овој резултат ги елиминира причините што ја предизвикаа оваа криза, создава услови за долгорочен одржлив мир и обезбедува безбедност на руската држава – рече Путин, пренесе Тасс.
Путин нагласи дека интересите на луѓето кои го зборуваат рускиот јазик во Украина и кои ја сметаат Русија за своја татковина мора да бидат заштитени.