Маркус Рашфорд веќе покажува дека ќе биде добро засилување во Барселона. Иако Англичанецот имаше помал број тренинзи во споредба со неговите соиграчи, напаѓачот настапи на првите два натпревари од предсезоната каде што го покажа целиот свој потенцијал.
Неговата форма е во нагорна траекторија, што беше потврдено и со двата настапи, што наговести дека тој би можел да биде големо засилување за каталонскиот клуб оваа сезона, пишува „Ас“.
Рашфорд дојде во Барселона како дел од проектот на Флик со желба да ја достигне формата што ја имаше на почетокот на кариерата и која го направи познат.
Во вториот подготвителен натпревар, одигран во Кореја против ФК Сеул, Рашфорд влезе во игра во второто полувреме наместо Рафиња и ја запиша својата прва асистенција во дресот на Барселона на тој натпревар, асистирајќи му на Феран Торес за конечни 7:3.
Тој беше блиску до својот прв гол, но голманот на корејскиот тим беше поуспешен во неколку ситуации. Тој ќе има уште една шанса за гол во последниот натпревар од азиската турнеја, следниот понеделник против Даегу.
Неговата борба за место во првиот тим со Рафињо ќе создаде здрава конкуренција во тимот. Рашфорд сè уште има потенцијал да биде врвен играч, и покрај падот на формата во последните години, и е решен да се врати на вистинскиот пат.
За потсетување, Рашфорд пристигна во Барселона како позајмен играч со опција за откуп на договорот на крајот од сезоната.