Зошто да поминувате долго време во кујната и да готвите комплицирани јадења, кога има едноставни и брзи рецепти со кои ќе направите вкусен ручек. Пробајте го овој рецепт за пилешко во крем сос од печурки.
Потребни состојки:
1 шолја брашно
4 парчиња пилешки стек
2 лажици путер
1 лажица маслиново масло
230 гр шампињони
2 чешниња лук
¾ шолја вино
3 шолји пилешки бујон
½ шолја павлака за готвење
Магдонос
Сол и бибер
Начин на подготовка:
Во голема тава растопете 1 лажица путер и масло. Додајте го пилешкото месо и пржете го околу 5 минути и од двете страни додека да добие златеста боја. Извадете го месото од тава и ставете го на чинија.
За сосот:
Растопете го преостанатиот путер во истата тава каде што го пржевте месото и додајте ги исечканите шампињони. Пржете ги додека да бидат готови. Доколку забележите дека течноста испарила, додајте малку маслиново масло. На крајот додајте го исечканиот лук и посолете. Додајте вино, бујон, павлака за готвење, ситно исечкан магдонос и оставете да зоврие. Вратете го пилешкото месо во тава и пржете го уште 10 минути. Добар апетит!