Американскиот државен секретар Марко Рубио ги коментираше последните потези на претседателот на Република Српска Милорад Додик, нагласувајќи дека тие претставуваат закана за стабилноста на Босна и Херцеговина.
„Активностите на претседателот на Република Српска Милорад Додик ги поткопуваат институциите на Босна и Херцеговина и ја загрозуваат нејзината безбедност и стабилност. Нашата нација ги охрабрува политичките лидери во Босна и Херцеговина да се вклучат во конструктивен и одговорен дијалог. Ги повикуваме нашите партнери во регионот да ни се придружат во спротивставувањето на ова опасно и дестабилизирачко однесување“, рече Руби.
The actions of Republika Srpska President Milorad Dodik are undermining Bosnia and Herzegovina’s institutions and threatening its security and stability. Our nation encourages political leaders in Bosnia and Herzegovina to engage in constructive and responsible dialogue. We call…
— Secretary Marco Rubio (@SecRubio) March 8, 2025
Претходно, републиканската членка на Претставничкиот дом на САД, Ен Вагнер, исто така предупреди за постапките на Додик, нагласувајќи дека тој треба да биде запрен.
„Додик е брутален криминалец кој водеше кампања за дестабилизација на Босна и Херцеговина. Неговите непромислени постапки се опасна ескалација и флагрантно отфрлање на судскиот процес. Ова не смее да стои, а Додик мора да биде запрен пред да продолжи со својата коруптивна агенда“, нагласи Вагнер.
Таа додаде дека е во постојан контакт со американскиот Стејт департмент и колегите во Конгресот, каде што разговараат за тоа како администрацијата може да се спротивстави на, како што рече, очигледниот обид на Додик да го наруши мирот во регионот.
Потсетиме дека пред неколку дена, претседателот на Република Српска, Милорад, во Бања Лука потпиша укази со кои се прогласуваат закони со кои се забрануваат активностите на Судот и Обвинителството на Босна и Херцеговина, Државната агенција за истраги и заштита (SIPA) и Високиот судски и обвинителски совет на оваа територија на БиХ.
Овие закони беа усвоени од Националното собрание на РС на посебна седница на 27 февруари, а по потпишувањето на указот беа објавени во Службен весник на Република Српска. Вршителот на должноста директор на Службен весник на РС, Милош Лукиќ, потврди дека законите за ЗССК на РС, законот за непримена на законите и забраната на активностите на вонуставните институции на БиХ, законот за специјален регистар и транспарентноста на работата на непрофитните организации се објавени како изменување и дополнување на Законот за кривично дело.
Законите вчера беа привремено суспендирани од Уставниот суд на БиХ.