Претседателот на Руската Федерација Владимир Путин најави дека земјата ќе изгради осум повеќенаменски стратешки подморници кои ќе ги користи руската морнарица.
Руската морнарица пред неполна недела ја доби подморницата со нуклеарен погон Перм опремена со хиперсонични ракети Циркон.
Руските новински агенции напишаа дека Перм е првата подморница на нуклеарен погон која ќе има ракети Циркон како дел од својата стандардна опрема.
Циркон има домет од 900 километри, а тешко е да се собори бидејќи лета побрзо од 1500 метри во секунда.
Перм е шестата подморница од класата Јасен (и Јасен-М) изградена за руската морнарица од бродоградилиштето Севмаш во пристаништето Северодвинск во северозападна Русија.
Руските воени претставници првично сакаа да ги заменат советските подморници со 30 подморници од класата Јасен и 14 стратешки подморници од класата Бореј.
DefenceNews пишува дека најавата на Путин сугерира дека приоритетите на руската морнарица се сменети и дека ќе бидат изградени 10 подморници од класата Јасен и 10 подморници од класата Бореи.
Рускиот воен експерт Павел Лужин изјави дека подморниците од класата Јасен-М би можеле да останат во историјата кога Русија ќе започне со производство на петтата генерација на подморници од класата Хаски во 2027 година.
Дмитриј Смирнов, друг експерт во оваа област, рече дека Русија нема да брза да произведе повеќе подморници од класата Јасен бидејќи бродовите што ги поддржуваат не се целосно подготвени.
Покрај тоа, Русија во моментов е фокусирана на производство на оружје кое и е потребно за војната во Украина.
Економистот Вјачеслав Шираев изјави дека бродоградилиштето Севмаш не добива доволно нарачки и дека платите на вработените се намалени. Русија е исто така во неповолна позиција бидејќи не може да ги добие сите компоненти што и се потребни за производство на подморници од Запад.