– Русија тврди дека нејзините системи за противвоздушна одбрана собориле или пресретнале вкупно 41 украинско беспилотно летало при два напада во текот на ноќта и рано изутрина.
Во првичното соопштение на руското Министерство за одбрана се тврди дека 22 беспилотни летала биле уништени од системите за противвоздушна одбрана, додека 13 други биле пресретнати над Азовското Море и Кримскиот Полуостров, кои Русија ги анектираше во 2014 година.
Во подоцнежното соопштение се тврди дека системите за противвоздушна одбрана уништиле четири беспилотни летала и пресретнале уште две над Азовско Море.
Украинските власти сѐ уште не го коментирале тврдењето, а тешко е да се изврши независна проверка на тврдењето на Русија поради тековната војна.