Министерството за внатрешни работи на Србија објави снимка од апсењето на двајца мажи осомничени за убиство на маж познат во јавноста како “Ранко Ескобар”.
55-годишен маж беше убиен на 9 март околу 11 часот на бензинска пумпа во Белград.
МВЕ сега соопшти дека полицијата во саботата го уапсила С.З. (28) и Љ.В. (26) поради сомнение дека сторил тешко убиство. Тие ќе поминат 48 часа во притвор, по што ќе бидат изведени во надлежното обвинителство, пишува Дневник.хр.
Ескобар стана познат како сопственик на блиндиран автомобил кој беше пронајден во гаражата на Марко Миљковиќ, десна рака на озлогласениот Вељко Беливук.
“Продолжуваме со нашата непоколеблива борба против сите видови криминал. Секој што се занимава со нечесност и криминал мора да знае дека нема да биде заштитен од српската полиција и дека српските полицајци се обучени и подготвени да ги изведат пред лицето на правдата сторителите на кривични дела колку што е можно поскоро”, изјави министерот за внатрешни работи, Братислав Гашиќ.
“Криминалот не е добредојден на нашите улици и нема заштитени. Министерството за внатрешни работи ќе направи сè во согласност со законот за граѓаните на Србија да се чувствуваат безбедно во својата татковина”, додаде тој.
Припадниците на МВР во Белград во брза и ефикасна акција во соработка со Вишото јавно обвинителство ги уапсија С.З.(1995) и Л.В.(1997) поради основано сомнение дека сториле кривично дело тешко убиство.