Познатиот казахстански кревач на тегови Владимир Седов (35) се самоуби, а веста ја потврди и Казахстанската федерација за кревање тегови.
Седов беше еден од најпопуларните спортисти во својата земја, а своевремено ја освои и титулата светски првак.
Тој се самоуби на 26 јуни, а по извесно време беше потврдена причината за неговата смрт. Трагичната вест ги шокираше сите во оваа азиска земја.
„Не напушти кревачот на тегови Владимир Седов. Почесниот мајстор на спортот на Република Казахстан, кој учествуваше на Олимписките игри во 2008 година и е повеќекратно награден шампион и рекордер, од детството е посветен на спортот, додели посебен орден за спортски достигнувања“, изјавија од споменатата организација.
Седов беше во очите на јавноста во 2016 година, откако Меѓународниот олимписки комитет ги поништи сите негови резултати од 2008 до 2016 година.
Тука е и титулата светски првак од 2009 година, кога во Гојанг, Јужна Кореја, подигна вкупно 402 килограми и го победи Азербејџанецот Низами Пашаев.
Поради допинг му беа одземени медалите и сите големи достигнувања.