Во овие празнични денови, за Велигден, Владата ги остави неплатени културните работници, работниците во центрите за социјална работа, работниците во Државниот инспекторат за труд, Државниот пазарен инспекторат и Министерството за економија, вели заменик претседателката на СДСМ, Кристина Костова.
„ВМРО-ДПМНЕ сериозно и без тронка совест го крши законот за исплата на платите на сите работници до 15-ти во тековниот месец за претходниот месец. Или законите не важат за владата на Мицкоски или воопшто не се грижат за работниците.
Платата не е награда, таа е основно, законски загарантирано право на секој работник. Дојдовме до моментот кога во Македонија веќе не зборуваме за економски развој, туку дали Владата може да ја исполни својата законска обврска, исплатата на заработените плати. За владата може да има папаја, манго и луксуз; за работникот, трошки на масата. Ова е врв на неодговорност и неспособност.
Вработените во јавниот сектор заслужуваат да ја знаат вистината, зошто не им се исплатени платите и кој ќе одговара за ова? Бараме итна исплата на платите за вработените во јавниот сектор. Достоинството и законските права на работниците не смеат да зависат од неспособноста на Владата“, рече Костова.