Американскиот претседател Доналд Трамп пред неколку дена во едно интервју раскажа како Никола Тесла бил неверојатен човек, но ја сподели и приказната за неверојатните патишта на судбината што со децении го поврзувале неговото најблиско семејство со српскиот гениј!
Имено, во септември 1936 година, еден новинар на „Асошиејтед Прес“ го гледал откривањето на нов рендгенски апарат за кој се вели дека генерира милиони волти. Презентацијата ја водеше човекот на кого осум години подоцна ФБИ му довери да ги прегледа сите досиеја на Тесла откако најголемиот научник на сите времиња почина во својата соба во хотелот „Њујоркер“.
Тој човек беше Џон Трамп – чичкото на денешниот американски претседател Доналд Трамп, напиша тогаш Курир. Џон Трамп беше електроинженер, физичар и пронаоѓач кој конструираше високонапонски електростатски генератори и пронајде нови примени за нив во медицината, индустријата и нуклеарната наука.
Во неодамнешно интервју, водителот Глен Бек го праша Трамп „колку е „лудо“ што денес работи со Тесла и дека неговиот брилијантен чичко проценувал кои документи треба да се чуваат по смртта на Никола Тесла“.
– Братот на мојот татко беше брилијантен професор и во еден момент ФБИ го задолжи да ги погледне документите на Тесла за да види дали г-дин Тесла е навистина толку неверојатен научник… И мојот чичко направи извештај и рече дека Тесла е одличен, неверојатен научник. Многумина на негово место би биле љубоморни во таква ситуација, но тој не беше, призна дека Тесла е неверојатен – рече Трамп во интервју објавено од Елон Маск на социјалната мрежа „X“ .
Џон Трамп навистина беше брилијантен, како што вели Доналд денес. Тој придонел за подобрување на рендгенските апарати кои им помагале на пациентите со рак, учествувал во развојот на радарот, чија употреба придонела за победата на сојузниците во Втората светска војна.
Во 1983 година, претседателот Роналд Реган му го додели на Џон Трамп Националниот медал за наука во инженерството за неговиот придонес во „корисните примени на јонизирачкото зрачење“. Тој доби пофалби за неговите воени достигнувања и од претседателот Хари Труман и од кралот Џорџ VI. Многу од неговите пронајдоци сè уште се во употреба: Трамп го инсталирал оригиналниот генератор Ван де Граф во Музејот на науката во Бостон, а забрзувачите на честички HVE сè уште се користат во лабораториите низ целиот свет.
ФБИ го ангажираше Трамп како еден од најдобрите американски научници за да открие, меѓу другото, дали Тесла го измислил познатиот „смртоносен зрак“, кој Американците очајно го сакаа во својот воен арсенал.
За Србите, чичкото на Доналд Трамп ќе биде запаметен како првиот човек на светот кој имал можност да прочита илјадници тајни списи на Тесла по смртта на најголемиот српски научник.