Археолозите кои ги проучуваат локациите во Јудејската пустина, западно од Мртвото Море, открија мистериозна пирамида стара 2.200 години.
Се верува дека датира од хеленистичката ера и е изградена од поединечни камени блокови, од кои секој тежи стотици килограми, пренесува LadBible .
Многу антички артефакти
Ископувањата ги води Израелската управа за антиквитети (IAA), додека локацијата е означена како „историска мистерија“. Сепак, не сме навикнати да гледаме пирамиди надвор од Египет или Мексико.
Целиот локалитет е богат со антички артефакти , како свитоци, бронзени монети и оружје, па затоа се интензивирани напорите да се заштити од потенцијални грабежи.
„ Оваа пирамидална градба е огромна и изработена од рачно изделкан камен. Во првата недела од ископувањето најдовме пишани документи, извонредни бронзени садови и остатоци од антички мебел, кои беа зачувани благодарение на пустинската клима“, беше објавено.
Повик за волонтери
Засега не е познато зошто е изградена пирамидата , ниту за која цел.
„Дали се работи за караула на важна комеморативна рута, или гробница или споменик во античката историја. Тоа е мистерија и веруваме дека ќе ја решиме во наредниот период “, се нагласува.
Секојдневно се работи на локацијата во Јудејската пустина, а властите ги повикаа волонтерите да им помогнат да ја завршат работата до 4-ти април и да и го претстават на јавноста што пронашле.