Џошуа Џексон, кој е во брак повеќе од три години, верува дека вонбрачните афери не треба да ја прекинат врската меѓу две лица, објави магазинот Page Six.
„Мислам дека аферата може да се прости“, изјавил актерот, кој се ожени со Џоди Тарнер-Смит на крајот на 2019 година, во интервју објавено во неделата.
„Сите сме возрасни. Никој не сака да биде измамен, а по измамата потребно е да се санираат многу штети“, истакнал тој.
Актерот познат по улогата во „Dawson’s Creek“ додаде дека аферите не зависат од партнерот или „исклучиво за секс“, туку се кршење на правилата што е „подлабоко“ отколку што многумина разбираат.
Интересно е тоа што 44-годишниот актер глумеше во два проекти кои го истражуваат неверството: „The Affair“ на Showtime и адаптацијата на малите екрани на „Fatal Attraction“, чија премиера е на Paramount Plus на 30. април.
Инаку, пред да се ожени со 36-годишната Тарнер-Смит, актерот се забавувал со актерката Дајан Кругер десет години. Двојката се раздели во 2016 година поради шпекулациите дека тој не сака да се ожени или да има деца.