Теоријата на мртов Интернет , која со години предупредува дека интернетот стана место каде доминираат ботови и автоматизирани содржини, добива ново значење во ерата на вештачката интелигенција . Оваа теорија, која некогаш звучеше како научна фантастика, денес станува реалност бидејќи системите за вештачка интелигенција масовно ја преземаат контролата врз дигиталниот простор.
Експертите од Универзитетот во Нов Јужен Велс потврдуваат дека оваа теорија повеќе не е само шпекулација. Нивното истражување покажува дека вештачката интелигенција генерира огромен број на објави, слики и коментари секој ден на платформи како Facebook, Instagram и TikTok, со единствена цел да привлече што повеќе кликови и реакции.
Највознемирувачкиот аспект на оваа теорија е тврдењето дека дури и профилите кои реагираат на таква содржина често не се вистински луѓе. Ова создава виртуелен екосистем на автоматизирани интеракции, каде машините комуницираат со машините, додека просторот за автентична човечка комуникација се повеќе се намалува.
Фото: Shutterstock.com
Како да препознаете вештачка интелигенција на социјалните мрежи?
Во време кога е тешко да се разликуваат вистинските профили од автоматизираните, експертите за дигитални комуникации ги идентификуваа клучните знаци на активноста на вештачката интелигенција. Неприродно брзите одговори, совршено формулираните реченици без граматички грешки и недостатокот на контекстуално разбирање во разговорите може да укажуваат на тоа дека комуницираме со машина, а не со човек.
Иднината на меѓучовечките односи
Тековната теорија на мртов интернет покренува важни прашања за иднината на социјалната интеракција. Сè повеќе луѓе развиваат емоционални врски со системите за вештачка интелигенција, што дополнително ја замаглува границата помеѓу реалниот и виртуелниот свет, доведувајќи ја во прашање самата природа на човечките односи во дигиталната ера.