Шивачката Анкица Делибашиќ (57) која беше убиена во семејниот стан во Раковица откако ја избоде сопругот Жељко Делибашиќ (61), инаку поранешен полицаец, работела во Гранд, а сега се појавија кадрови кои биле снимени неколку денови пред да биде убиена.
Имено, таа пред само неколку дена учествувала во подготовките за полуфиналето на музичкиот натпревар. Тогаш таа беше насмеана и расположена помагајќи им на младите пејачки во стајлингот. Таа беше една од омилените вработени.
-Анкица ќе ја паметиме како весела, насмеана и секогаш расположена колешка која се трудела да ги запознае сите. Искрено сочувство до семејството – напишаа од Гранд.
Да потсетиме, злосторството се случило во станот по кавга меѓу сопружниците. Во еден момент расправијата ескалирала и осомничениот земал нож и брутално ја избодел жртвата. По убиството отишол во полиција и признал дека ја убил сопругата и дека нејзиното тело било во станот. Полицијата и итната екипа ја пронашле жената во локва крв без знаци на живот. На осомничениот му е одреден притвор до 48 часа, а се товари дека сторил кривично дело тешко убиство.
Убиената Анкица Делибашиќ често објавуваше семејни фотографии, но и песни од познати музичари, а во ноември минатата година сподели видео во кое се слуша нејзиниот однос кон жените. Имено, на тоа видео меѓу другото се наведува „дека жената се променила не поради физичкиот изглед туку поради односот кон животот“. Ако се суди по фотографиите, Анкица во последните неколку години стана поубава и сите нејзини пријатели и следбеници ја опсипуваа со коментари со честа фраза „како вино е, колку старее толку е поубава“.
Инаку, како што објавивме претходно, осомничениот Жељко Делибашиќ е поранешен полицаец кој, според жителите на Раковица, веќе извесно време доставувал храна. Соседите на ова семејство за Курир изјавија „дека се шокирани од злосторството бидејќи парот секогаш изгледал како да нема проблеми“.
– Таа жена е една од најпозитивните луѓе што сум ги видел во животот. Беше шнајдерка, работеше на телевизија и шиеше костими за деца, каква прекрасна личност – велат соседите за убиената Анкица, која зад себе остави две деца и внуче. Од друга страна, жителите на овој дел на Раковица немаа многу што да кажат за Жељко, за кој велат дека молчел.
Вишото јавно обвинителство во Белград води истрага за тешкото убиство во Раковица, а мотивот за грозоморното злосторство засега не е познат.