Маж облечен во маскирна униформа, држејќи „оружје налик на снајпер“ во рацете, предизвика вистинска драма на метро станица во Лондон .
На снимката која кружи на интернет, може да се види како тој го вперува оружјето што го држел кон вагоните на станицата Вајтчепел.
Патниците бегаа од неговиот пат, гледајќи во него со страв и очај, а човекот изгледаше подготвен за војна… Меѓутоа, се покажа дека младиот човек е во костум. Имено, како што соопшти полицијата, млад човек на околу 20-ти години облечен во маскирна униформа и носел лажна снајперска пушка, бидејќи требало да снима …
Експертите набрзо се огласија, предупредувајќи дека ваквото однесување е „сигурен начин да се пука“.
Младиот човек бил уапсен од полициски службеници во неговиот дом под сомнение дека поседувал имитација на огнено оружје со намера да предизвика страв или насилство и поседувал јуришно оружје. Оттогаш тој е ослободен со кауција.
Иан Драмонд Смит, помошник началник на сообраќајната полиција, рече дека „се согласува“ со објавата под видеото, која гласи: „Ова е сигурен начин да бидете уапсени и потенцијално застрелани“.
Официјалните лица рекоа дека одговараат на секој повик за оружје и ги повикаа сите што патуваат на „настани“ слични на маскенбал да не излегуваат во јавност.
Младиот осомничен присуствувал на настанот „Comic Con“ на 25-ти јануари и патувал со лажен пиштол како дел од неговиот костим. Полицијата соопшти дека секоја година околу овој настан добиваат повици од граѓани кои виделе „вооружени лица“ во јавниот превоз.