Претседателката на Северна Македонија, Гордана Силјановска-Давкова, објави дека имала кратка средба со американскиот претседател Доналд Трамп на маргините на самитот на НАТО во Хаг.
„Кратка средба со американскиот претседател Доналд Трамп, симболичен гест на почит и партнерство. Остануваме посветени на сојузот со САД како наш главен стратешки партнер во рамките на НАТО и пошироко“, напиша Силјановска Давкова на Фејсбук.
Таа претходно се сретна со чешкиот претседател Петр Павел и премиерите на Естонија и Белгија, Кристен Михал и Барт де Вевер.