Марко Паники треба да биде новиот тренер на Јаник Синер по заминувањето на членовите на стручниот штаб кои се „виновни за контаминација со клостебол“.
Италијанскиот тенисер Јаник Синер потврди дека се разделува со двајца тренери од неговиот стручен штаб по допинг скандалот. Во прашање се физиотерапевтот Џакомо Налди и тренерот за физичка подготовка Умберто Ферара, кои ги означи како главни виновници за неговиот позитивен допинг тест за недозволената супстанца клостебол.
Наводно Налди си го пресекол прстот со скалпел, по што Ферара му дал спреј во кој се наоѓа споменатиот клостебол, а потоа физиотерапевтот со денови го масирал Синер без ракавици. На тој начин, барем така беше објаснето, во телото му влегла забранета супстанца поради која требало да биде суспендиран. Меѓутоа, кога „убаво објасни“ што се случило, Синер всушност беше суспендиран на само шест дена и неодамна беше ослободен од сите обвиненија.
Сепак, иако на крајот сè заврши среќно за Синер, тој реши да ги отпушти Налди и Ферара кои му ја спасија кариерата сведочејќи во негово име. Синер, пак, објасни дека поради нивните грешки повеќе не им верува, па ги отпуштил, а веќе се шпекулира дека ќе го доведе поранешниот тренер Новак Ѓоковиќ.
Еуроспорт пренесува дека нов тренер за физичка подготовка треба да биде Марко Паники , некогашниот доверлив човек на Новак. Тие работеа заедно шест години, а разделбата ја официјализираа во мај кога Ѓоковиќ целосно реши да го смени тимот.
Паники има 60 години, поранешен двократен италијански шампион во скок во далечина, а во тимот на Новак првпат се приклучи во 2018 година по барање на тогашниот тренер Маријан Вајда. Името како експерт го стекна со соработка со голем број големи спортисти, тенисери, како и со тениските сојузи на Италија, Кина, Израел и Германија. Марко беше и личен тренер на многу познати тенисери како Франческа Скијавоне, Ли На, Светлана Кузњецова, Даниела Хантухова, Карин Кнап, работеше и со многу тенисери како Фабио Фоњини, Кристијан Гарин, Иво Карловиќ, Филип Колшрајбер, Леонардо. Мајер, Симоне Болели .. Накратко го напушти тимот на Новак во 2018 година, но се врати во 2019 година на местото на Гебхард Фил-Грич и оттогаш беше со Србинот.
Дипломирал на Универзитетот „НСУ“ во Флорида со диплома „Психологија во спорт и тренер“. Работел на многу престижни спортски академии (IMG, Sanchez-Casal), а бил и во неколку тениски федерации (Италија, Германија, Кина, Израел, Хонг Конг).
Марко Паники нема да биде со Јаник Синер на УС Опен, но се очекува потоа да се официјализира соработката и во иднина да го следи на турнири.