Словаците денес гласаат на парламентарни избори, кои, според анкетите, ќе бидат тесна борба меѓу поранешниот левичарски премиер Роберт Фиц, кој вети дека ќе ја прекине воената помош за соседна Украина, и прозападните либерали, пренесува медиумската агенција Reuters.
Последните истражувања на јавното мислење покажаа дека двете партии се речиси изедначени, а победникот ќе добие можност да ја замени техничката Влада која од мај ја води земјата со 5,5 милиони жители, најверојатно со коалиција.
Словачката Социјалдемократија СМЕР-ШД, предводена од Роберт Фиц, би можела да ја постави Словачка повеќе кон Унгарија за итни социјални прашања како што се правата на ЛГБТК или миграцијата, а Роберт Фиц вети за време на кампањата дека ќе ја прекине поддршката на Братислава за Украина.
Владата на Прогресивна Словачка (ПС) ќе остане на курсот за надворешна политика, одржувајќи ја силната поддршка на Словачка за Киев, истовремено ставајќи ја земјата во проинтегративниот и либерален камп на ЕУ за прашања како зелената политика или правата на ЛГБТ.
Во кампањата, прозападната ПС ги истакна реформските способности на својот лидер, Михал Шимечка, актуелен потпретседател на Европскиот парламент, и пораките насочени против Роберт Фиц.
Не се очекува ниту СМЕР-ШД ниту ПС да го добијат потребното мнозинство за независно формирање на Влада, што значи дека тоа најверојатно ќе зависи од резултатите на неколку помали партии.