Во врска со смртта на Силвио Берлускони, претседателот на руската држава испрати телеграма до италијанскиот претседател Серџо Матарела во која изрази – „најдлабоко сочувство за смртта на извонредниот италијански политичар“.
„Најважните настани во поновата историја на Италија се поврзани со името на овој извонреден човек. Како вистински патриот, Силвио Берлускони секогаш ги ставаше интересите на татковината над сè друго“, се вели во телеграмата од Владимир Путин.
Според Владимир Путин, Силвио Берлускони „со право се сметал за шампион на италијанската политика и уживал висок меѓународен авторитет“.
Претседателот на Русија наведува дека – „Силвио Берлускони даде навистина непроценлив личен придонес во развојот на заемно корисни руско-италијански партнерства“.
„Во Русија Силвио Берлускони ќе остане запаметен како доследен и принципиелен поддржувач на зајакнувањето на пријателските односи меѓу нашите земји“, тврди Владимир Путин.
Тој додаде дека за него лично Силвио Берлускони „бил драг човек, вистински пријател“, на чија мудрост се восхитува.
Во текот на својата политичка кариера, Силвио Берлускони се сретна со речиси сите најважни луѓе во светот.
Еден од најновите скандали на Силвио Берлускони изби на крајот на минатата година кога протече снимка од таен разговор помеѓу лидерот на Форца Италија на кој тој страсно ја брани инвазијата на Владимир Путин на Украина.
Видеото е направено еден ден претходно за време на затворен состанок со новоизбраните сенатори на Форца Италија во Монтечитори. На истиот состанок тој бил снимен и како се фали дека Владимир Путин му го честитал роденденот испраќајќи му 20 шишиња вотка, а на Владимир Путин му вратил 20 шишиња вино Lambrusca и дека си размениле „слатки пораки“.
Ова е кршење на европските санкции кои беа воведени поради руската инвазија на Украина, објави тогаш Европската комисија. Европските санкции вклучуваат забрана за увоз на руски алкохол, вклучително и вотка, соопшти ЕК, додавајќи дека нема исклучоци за подароци и дека на земјите-членки е да ги спроведат овие санкции.
Следниот ден италијанските медиуми објавија ново видео во кое Силвио Берлускони им ја објаснува војната во Украина на своите сопартијци, цврсто бранејќи го рускиот став за тоа како дошло до неа.
„Знаете ли што се случи со Русија ? Но, за ова барам максимална дискреција. Ветувате ?.. …Вака беше – во 2014 година во Минск, Белорусија, беше потпишан договор меѓу Украина и двете новоформирани републики Донбас за мировен договор да престанат да се напаѓаат едни со други. Една година подоцна, Украина го фрла тој договор во пеколот и почнува да ги напаѓа границите на двете републики. Двете републики трпат воени загуби кои, ми велат, изнесуваат пет, шест, седум илјади мртви. Володимир Зеленски дојде, тројно ги зголеми нападите на двете републики. Смртноста се зголемува“, изјави тогаш Силвио Берлускони.