Капетанот на Армијата на Србија е осуден на доживотен затвор за силување на неговата малолетна ќерка. Во текот на судењето јавноста беше исклучена, јавува Telegraf.rs.
Советот на Вишиот суд во Лесковац го прогласи С.С., капетанот на Армијата на Србија, за виновен за силување на малолетна ќерка во периодот од ноември 2019 до мај 2022 година и го осуди на доживотен затвор.
„Судот утврди дека оваа пресуда ги погодува и другите граѓани, за да се воздржат од извршување на вакви и слични тешки кривични дела“, пишува во соопштението потпишано од Небојша Стојичиќ, претседател на Вишиот суд во Лесковац.
Според соопштението, при одлучувањето за видот и мерката на казната, судот имал предвид бројни отежнувачки околности поврзани со начинот и времето на извршување на делото.
Во отежнувачките околности спаѓаат личноста на обвинетиот, недостатокот на емпатија и тежината на последиците од делото, додека нема олеснителни околности.