Ајк Тарнер Џуниор, синот на пејачката Тина Тарнер и Ајк Тарнер наводно бил уапсен поради поседување крек и прикривање докази само неколку недели пред смртта на неговата мајка, објави магазинот Page Six.
Според магазинот People кои први го објавиле апсењето, 64-годишникот бил уапсен во раните утрински часови на 6. мај, откако полицајците забележале дека едно од светлата на неговиот автомобил му било изгаснато. Меѓутоа, кога полицајците отишле да разговараат со музичарот, тој наводно се обидел да ја проголта наркотицата што ја поседувал.
„Тој се обиде да ја голтне дрогата пред полицајците да успеат да му ја земат“, напишал капетанот К.Т. Арендел од полицискиот оддел на Алвин во извештајот за инцидентот. На крајот полицијата запленила речиси два грама крек кокаин и нешто помалку од еден грам метамфетамин, пишува магазинот.
Придружничката на Ајк Тарнер Џуниор, Џесика Салинас-Ескивел, исто така, наводно била обвинета за поседување дрога за која немала дозвола. Ајк Тарнер Џуниор бил задржан во затворот во округот Бразорија од неговото апсење и не успеал да плати кауција од 70.000 долари, тврди магазинот Page Six.
Поради судири со законот, музичарот бил и зад решетки кога Тина Тарнер почина на 24. мај на 83-годишна возраст. Ајк Тарнер Џуниор, кој во 2018 година откри дека не разговарал со својата маќеа речиси две децении, сè уште не се помирил со нејзината трагична смрт.
Извори за Page Six минатиот месец изјавиле дека семејството на Тина Тарнер е во шок поради нејзината смрт бидејќи многумина не знаеле дека таа е сериозно болна. Иако биолошките синови на славната пејачка, Крег Тарнер и Рони Тарнер, починале пред нејзината смрт, таа останала зад Ајк Тарнер Џуниор како и нејзиниот син Мајкл Тарнер, кого го посвои во 1962 година.
Таа зад себе оставила два внука и пет правнуци, од кои повеќето никогаш не ги запознала. Нејзиниот поранешен сопруг, Ајк Сениор, почина во 2007 година од предозирање по децениска битка со зависноста од кокаин.