Многу луѓе се сеќаваа на руската манекенка Грета Ведлер (родена како Павленко) како еден вид модерната „Пепелашка“.
Грета беше позната по тоа што јавно го критикуваше рускиот претседател Владимир Путин а нејзината трагична судбина неодамна беше целосно разјаснета. Но, се покажа дека не се работи за политичко убиство или класично злосторство, туку за несреќна судбина на двајца млади луѓе и за несреќна љубов која завршила на најлош можен начин.
Многу нејзини пријатели и познаници мислеа дека во февруари 202 година Грета заминала на одмор на Бали, за што сведочат пораките на нејзините профили на социјалните мрежи. Но, тогаш наеднаш пораките престанаа. Во март 2022 година, стана јасно дека Грета е мртва повеќе од една година. Нејзиното тело е пронајдено спакувано во куфер во село во близина на Липецк, на 400 километри од Москва, додека нејзиното долгогодишно момче, 23-годишниот Дмитриј Коровин е осуден за нејзиното убиство.
Грета потекнувала од нефункционално семејство – мајка и ја дала на баба и да ја одгледува, а судбината на ќерката никогаш не ја интересирала, додека татко и не го запознала никогаш. Грета на 16 години заминала во Москва, во обид таму да ги оствари своите соништа и се покажа дека успеала да влезе во повисоките кругови на руската елита и да заработи многу пари.
Кога осомничениот за убиството Дмитриј Коровин бил приведен, познаниците на Грета изјавиле дека мислеле дека тој ја убил нивната пријателка. Според нив, Коровин е нејзиниот дечко од школските денови, патолошки губитник кој секогаш ја молел успешната девојка за пари и за секакви непостоечки работи. На крајот тој успеал и да ја задолжил милион рубљи, поради што ја убил, за да не ги врати парите.
Вистината за ова убиство, сепак, е многу посложена.
„Нема потврдна информација за овој долг. Според самиот Коровин, кавгата, при која била убиена девојката, се случила од сосема друга причина“, изјави Фарух Сохибов, висок истражител кој работи на расветлување на случајот.
Да го вратиме времето на пред неколку години. Липецк. Во средината на 2010-тите, Грета и Димитриј посетувале исто училиште во Липецк и биле навистина заљубени. Димитриј потоа заминал во градот Владимир, каде што се запишал на правниот факултет, а подоцна планирал да работи во полицијата. Но, набрзо се оладил од желбата да студира, се враќа во Липецк, а оттаму со Грета заедно одат во Москва, каде живеат заедно во изнајмен стан.
„Според Коровин, за да и обезбеди висок животен стандард на својата сакана девојка, тој почнува да зема заеми“, тврди истражителот и додава: „Тој наводно го правел тоа затоа што Грета имала навистина, навистина тежок живот и сакал да се грижи за неа најдобро!“
На девојката и дал пари за пластична хирургија, и платил факултетски студии и неколку патувања во странство. Ратите од кредитот се обидувал да ги исплати со тргување со половни автомобили.
Но, еден ден тајната на Грета излегла на виделина. Коровин еднаш и го одзел мобилниот телефон, кој таа го оставила без надзор. Кога ја прочитал нејзината преписка на социјалните мрежи, сфатил дека неговата сакана се занимава со деловна придружба. Потоа избувнала голема расправија, а Грета му признава дека тоа го правела од својата 16-та година и му ветува дека ќе престане. Но, по некое време, Коровин повторно го хакира телефонот на девојката и сфаќа дека сето тоа продолжило – таа спие со него, како со обично момче, а потоа тајно оди кај други мажи!
Оттогаш, нивната врска конечно прекинала, иако одвреме-навреме сè уште се среќавале како љубовници.
Така во кобната вечер во февруари 2021 година. Купиле скап алкохол, изнајмиле хотел во центарот на Москва и се сместиле во соба.
„Коровин кажал дека пиеле многу а во еден момент повторно почнале да се расправаат“, тврди истражителот.
За време на сослушувањето, Дмитриј рекол дека Грета, која наводно била пијана, го удрила со шише по лицето, а тој тргнал кон неа со тупаници. Ја удрил неколку пати во главата. Таа изгубила свест, а Коровин потоа ја грабнал перницата и ја задушил.
„Бев многу пијан. Едвај се сеќавам на овој момент. Се разбудив неколку часа подоцна и сфатив дека веќе е бескорисно да повикам итна помош. Грета е мртва…“ им рекол тој на истражителите.
Следните неколку дена тој бил под дејство на алкохол по цели денови. Телото на девојчето било скриено под креветот. На заминување од хотелската соба тој ставил знак „не вознемирувај“ на вратата и избезумено се обидувал да сфати што понатаму. На Интернет побарал начин да се ослободи од силниот мирис од телото, а потоа отишол во продавница и купил голем куфер.
Тој го превиткал телото на Грета во фетална положба и го спакувал во куфер, вклучувајќи многу пакети со активен јаглен и лимонска киселина. Затворајќи го куферот, го завиткал во неколку слоеви лента и со него во багажникот на автомобилот се вратил од Москва во Липецк.
За време на испрашувањето, Коровин многу пати повторил дека навистина ја сака Грета. Но, тоа не го спречило да го користи нејзиниот телефон по убиството, да упадне во нејзините банкарски сметки (и украл 1,5 милиони рубљи) и да земе заем од 700 илјади рубли на нејзино име.
Вели дека чекал да го грабнат и да го најдат полицајците. Не спиел добро цела година, а решил да се обиде да ги исплати кредитите работејќи како таксист.
Прашањето кое многумина ги мачи е зошто никој одамна не ја барал Грета Ведлер ? На крајот, Коровин, иако бил еден од најочигледните осомничени, бил приведен само една година подоцна. А одговорот е банален.
„Мајката како единствена роднина не го ни пријавила исчезнувањето на ќерката – за малку не комуницирале и воопшто не ја интересирала судбината на девојчето“, изјави истражителот.
Пријавата во полиција всушност ја поднел непознат маж – еден од „клиентите“ кој покажал грижа, неколку месеци подоцна.
Друга необичност на случајот е тоа што убиецот не се ослободил од телото на девојчето, иако тоа биле докази кои би можеле да доведат до него. Цела година куферот го криел во својата гаража на периферијата на Липецк.
„Дмитриј Коровин ги објаснил своите постапки со тоа што ја сакал девојката и не можел да одлучи како и каде да ја закопа и не можел да ја фрли како некое куче“, вели истражителот.
На Дмитриј Коровин му се судеше за убиство, измама (туѓи заеми), кражба (кражба на пари од банкарски картички). На 13. април, судот во Москва осуди 24-годишен маж на 15 години затвор под строг режим.