Смрт во Белград – Протече вознемирувачката снимка од нападот на братот на босанскиот министер, удрил со глава во бетон, дали имал епилептичен напад?

На снимката може да се видат напаѓачите како бегаат зад крошните на дрвјата, а на тоа претходат звуци од силни удари

N1 Србија доби видео од вознемирувачки инцидент во населбата Медаковиќ во Белград, во кој беше претепан Ѓорѓе Мијатовиќ, брат на министерот за развој и претприемништво и потпретседател на Владата на Федерацијата на Босна и Херцеговина, Војин Мијатовиќ.

Ѓорѓе Мијатовиќ подоцна починал во болница, а точната причина за смртта ќе биде утврдена по тековната полициска истрага и обдукција.

На снимката се гледаат напаѓачите како бегаат зад крошните на дрвјата, а пред тоа се слушаат звуци на силни удари и извици: „Ајде, доста, ајде, прекинувај“.

Нападот се случи во неделата нешто по 18 часот. Н1 јавува дека групата хулигани кои го нападнаа Ѓорѓе Мијатовиќ со месеци им прават проблеми на жителите од зградите во населбата Медаковиќ, а само ден пред инцидентот (во саботата) ги кршеле клупите и му се заканувале на случаен минувач кој ги замолил да не го стори тоа. Случајот веднаш го пријавил во полиција, која излегла на местото на настанот, разговарала со групата која создавала неред, но не ги легитимирале, како што тврдат станарите, бидејќи се малолетни.

N1 je došao u posed snimka incidenta u naselju Medaković u Beogradu, a prikazujemo deo kada huligani beže nakon napada na Đorđa Mijatovića, koji je kasnije u toku večeri preminuo u Urgentnom centru.

Upozoravamo da je snimak uznemirujuće sadržine. pic.twitter.com/VVGyW434u4

— TV N1 Beograd (@n1srbija) May 27, 2024

Станарите се загрижени за својата безбедност, пред се за безбедноста на децата кои се дружат во паркот. Тие раскажаа како група тинејџери често престојуваат во паркот и создаваат врева, го нарушуваат јавниот ред и мир, а децата се плашат од нив. Како што изјавија за N1 Србија, станува збор за десетина млади мажи и жени на возраст од 15 до 17 години.

Како што изјави министерот за внатрешни работи Ивица Дачиќ во утринската програма на ТВ Блиц, починатиот излегол да разговара со младите бидејќи неговиот син се пожалил дека му ја украле топката.

Дачиќ за ТВ Блиц изјави дека се утврдуваат околностите на смртта и дали дошло како последица на нападот, додавајќи дека лекарите рекле дека Ѓорѓе Мијатовиќ имал епилептични напади и дополнителни болести, па само обдукцијата ќе ја утврди причината за смртта.

Наводно, како што пренесува порталот Нова.рс, Мијатовиќ по конфликтот и рекол на сопругата дека замавнал кон еден маж, изгубил рамнотежа, паднал и ја удрил главата во бетон. По враќањето тој наводно доживеал епилептичен напад, по што бил префрлен во болница, каде што починал.

Српското МВР соопшти дека се осомничени две лица и дека по нив се трага, како и дека телото е пренесено во Институтот за судска медицина за обдукција.

Вознемирувачкото видео можете да го погледнете ТУКА .