Американскиот Стејт департмент издаде „светско безбедносно предупредување“ за сите свои граѓани во странство, наведувајќи ја можноста за напад, јавува BBC.
„Поради зголемените тензии на различни локации низ светот, потенцијалот за терористички напади, протести или акти на насилство против американските граѓани и интереси, Стејт департментот ги советува американските граѓани во странство да бидат претпазливи“, се вели во соопштението.
Ова значи дека граѓаните на САД треба да бидат внимателни на туристичките локации и да се пријават за да добиваат информации и предупредувања.