Тинејџер од Велика Британија е осуден на две години затвор откако со еден удар убил постар човек.
Омар Мумече имаше 16 години кога го удри Денис Кларк (82) на автобуска станица во Дерби во мај 2021 година. Кларк се здобил со фрактура на черепот и крварење на мозокот од што починал во болница девет дена подоцна.
Мумече беше осуден на две години затвор за млади во петокот, откако беше осуден за убиство од небрежност во јули.
Надзорните снимки, објавени од полицијата во Дерби, покажуваат армиски ветеран на ескалаторот на супермаркетот како се расправа со група тинејџери кои го блокираат ходникот.
Кларк потоа се упатува кон автобуската станица, но група од тројца тинејџери го следат и го опкружуваат.
По тепачката Мумече го удрил, а јасно се гледа како старецот паѓа на земја и си ја удира главата.
Тинејџерот побегнал, но набрзо бил уапсен.
Во текот на еднонеделното судење, одбраната тврдеше дека тинејџерот делувал во самоодбрана.
Другите две момчиња не се обвинети за нападот.
Семејството на Кларк изјави дека „оставено е со чувство на празнина“ по неговата смрт. Внукот на жртвата, Рики Дејви, рече дека Кларк бил посветен на своето семејство и дека бил побожен христијанин и член на црковниот хор.
– Ќе бидат потребни многу години за да се помириме со загубата. Неговата смрт остави дупка во животот на целото семејство, а ние само останавме со чувство на празнина – изјави Дејви.