По повод Денот на српското единство, слобода и национално знаме, во Белград се одржува воена парада „Моќта на единството“.
Парадата започна со пеење на химната и развевање на српското знаме.
По повод Денот на српското единство, слобода и национално знаме, во Белград се одржува воена парада „Моќта на единството“.
Парадата започна со пеење на химната и развевање на српското знаме.
Во меѓувреме, полицајците формираа кордон во близина на Палатата на Србија за да ги спречат граѓаните и студентите да учествуваат на воената парада.
За време на интервенцијата, полицијата употребила физичка сила за да ги отстрани луѓето пред кордонот, објавува nova.rs.
Од друга страна, на некои од граѓаните кои беа донесени со автобус од различни делови на Србија им беше дозволено слободно да се движат, а полицијата не интервенираше против нив.
Граѓаните апелираа до припадниците на жандармеријата да не користат сила и да не ги туркаат жените.
Потсетуваме дека студентите претходно најавија дека денес ќе организираат митинг со мотото „Слободата е најскапиот српски збор“, како форма на поддршка за припадниците на Српската армија, која, како што нагласија, не припаѓа на една партија или личност, туку е армија на сите граѓани.
Студентите најавија дека Армијата ќе ја почувствува поддршката од својот народ и ќе види дека „луѓето на улиците не се против државата“.
Инаку, на парадата присуствуваат и членката на Претседателството на Босна и Херцеговина, Жељка Цвијановиќ, како и поранешниот претседател на ентитетот Република Српска, Милорад Додик.