Градоначалникот на општина Карпош Стевчо Јакимовски е осуден на три и пол години затвор за злоупотреба на службената положба и бесправно градење.
За истиот прекршок поранешен вработен во општината со иницијали Т.Ѓ. е осуден на две години условна затворска казна. Пресудата сè уште не е правосилна, додека Јакимовски најави жалба, бидејќи од почетокот на постапката тврди дека е невин.
„Судот го огласи обвинетиот С.Ј за виновен за кривичното дело бесправно градење од член 244-а ст.1 од Кривичниот законик за изградба на недвижен објект-административен објект на Локалната самоуправа и за ова дело го осуди на 1 година затвор во врска со член 45 од Кривичниот законик на 3 години затвор“, се вели меѓу другото во соопштението на Кривичниот суд.