Стоматолог зад профилот на TikTok Icy Bear Dental Cubs откри кои грицки никогаш не би им ги давала на своите деца и зошто.
“Првото е суво грозје. Многу луѓе мислат дека се добри затоа што се природни бонбони. Сепак, тие содржат премногу шеќер, повеќе од просечните бонбони. Исто така, тие се многу лепливи, па можат да се заглават меѓу млечните заби и да предизвикаат шуплини“, објасни таа.
Потоа спомнала лепливи слатки или лижавчиња. Како што тврди таа, колку храната е полеплива, толку подобро ќе се залепи меѓу забите.
„Децата, за разлика од возрасните, не се иритираат од лепливи материи меѓу забите. Така тие остануваат таму и предизвикуваат расипување на забите“, додаде таа.
Конечно, стоматологот препорачува да не ни помислувате на вашето дете да му дадете овошна каша во кеса или јогурт за ужина, ако прво не проверите колку шеќер има во овие намирници.
„Мој совет е да изберете лебници, сирење или краставици“, советува таа.
Видеото собра 1,3 милиони прегледи и изненади многу родители кои признаа дека обично не претеруваат со давање чоколадо на деца кои воопшто не се на оваа листа.
„Сувото грозје е вистинско изненадување за мене. Тоа е единственото овошје што моето дете го јаде“, коментирала една мајка.