Тројца Севернокорејци беа застрелани со по 90 куршуми, а нивните тела беа изгорени за време на брутална јавна егзекуција, со деца во публиката, за нивниот обид за бегство во Јужна Кореја.
Оваа брутална казна била извршена во селото Сонѓонг Ри, а жртви биле двајцата браќа по презиме Ким и нивниот пријател Ри, сите на возраст од триесет години. Нивниот криминал? Обид за бегство на „демократскиот“ југ, објави Dailymail.
Тројцата мажи со месеци го планирале своето бегство, заштедувајќи ги своите скромни средства за да купат мал брод. Потоа, на 6 јануари користеле густа магла како покривка и тргнале кон морето, надевајќи се дека ќе стигнат до Јужна Кореја.
Меѓутоа, кога здогледале брод што поминува, по грешка помислиле дека се работи за јужнокорејски рибарски брод. Тие извикувале за помош, но наместо спасувачи, биле пресретнати од севернокорејска патрола, која веднаш ги уапсила.
Според очевидци, тројцата мажи биле извлечени, врзани и мачени до тој степен што не можеле да издржат. Затоа ги врзаа на шест места, значително повеќе од вообичаените три (врат, торзо и нозе).
„Обично осудените се врзани на три места, но овојпат беа толку исцрпени од тортурата што мораа дополнително да се врзат бидејќи не можеа да стојат самостојно“, изјави очевидец за Радио Слободна Азија.
Службениците потоа извикуваа, пред егзекуцијата: „Предавниците на нацијата мора да бидат казнети!” . Десет стрелци испукале по 90 куршуми кон секој осуденик, 30 во главата, 30 во градите и 30 во нозете, вкупно 90 куршуми по лице.
Како последен чин на заплашување, властите потоа ги запалија нивните тела пред згрозените локални жители.
„Тие рекоа: „Нема место каде да се закопа предавник на оваа земја!“, рекол очевидецот.
Дури и децата се онесвестиле од шок и ужас.
Друг извор потврди дека јавните егзекуции станале начин да се заплаши населението и да се одвратат потенцијалните бегалци.
Обидот за бегство некогаш беше казнуван со затворска казна до 15 години, но сега тоа носи смртна казна, а и јавна, како предупредување за секој што ќе помисли да избега. Од крајот на Корејската војна, повеќе од 34.000 Севернокорејци се обиделе да избегаат во Јужна Кореја, често користејќи опасни патишта низ Кина и Југоисточна Азија.
Сепак, сè построгите казни и суровите методи на егзекуција од страна на режимот на Ким Џонг Ун покажуваат дека севернокорејскиот режим нема намера да попушти ниту пред основните човекови права на своите граѓани.
Властите во Јужна Кореја претходно користеа противвоздушни митралези за извршување на јавни егзекуции.