Мајка на починато девојче од Мичиген, САД, тврди дека нејзината ќерка била силувана од позната фудбалска ѕвезда додека неговите соиграчи ја гледале сцената и дека поради таа траума довела до нејзината трагична и прерана смрт.
Студентката од Универзитетот во Дејтон, Квин Мофет (22 г.), починала трагично во јануари 2021 година, кога била пронајдена мртва во бањата во домот на нејзиното момче во, како што веруваат властите, се предозирала.
Нејзината мајка, Мери Мофет, сепак, ја припишува нејзината смрт на ноќта кога наводно била силувана од спортската ѕвезда на Универзитетот во Мичиген во летото 2018 година. Квин и двајца нејзини пријатели, американски фудбалери, околу два часот наутро се вратиле во станот каде се наоѓал нејзиниот татко.
Тие пиеле пиво од темно шише кое еден од нив го донел, но тоа наводно било последното нешто на што Квин се сеќавала од таа ноќ, пишува USA Today.
Нејзината пријателка изјавила дека еден од мажите бил гол и ја ставил раката над Квин додека таа била во кревет. Таа се разбудила следното утро дома без чевли и чанта и не можела да се сети како стигнала таму. Така напишала во своите СМС пораки до пријателите и семејството.
Мери тврди дека нејзината ќерка била силувана од еден од фудбалерите додека неговите тројца пријатели гледале.
Останатите двајца сведоци никогаш не биле барани, а четвртиот играч се вели дека бил поканет вечерта, но не дошол во станот.
Нејзината пријателка тврди дека Квин била дрогирана и силувана таа ноќ, поради што страдала од проблеми со менталното здравје, вклучувајќи експериментирање со дрога и самоповредување.
Мери Мофет напишала писмо до спортскиот директор на Универзитетот во Мичиген, Вард Мануел и фудбалскиот тренер на Мичиген, Џим Харбо, на 21. јануари 2021 година.
„Ви пишувам како мајка која тагува за загубата на својата 22-годишна ќерка. Фудбалерот од Мичиген делумно е одговорен за нејзината смрт. Што и да се случи во 2018 година беше катализатор за толку многу болка, тага и депресија што ја остави да се бори толку многу во последните неколку години“, стоело во писмото.
Таа додела дека Џим Харбо и се јавил три недели подоцна откако го прочитал писмото и рекол дека – „не сака таков тип на личност во неговиот тим или да го претставува училиштето“. Тој и го дал својот телефонски број и и рекол да се јави доколку го дознае името на играчот.
Нејзиното писмо завршило во рацете на полицијата на универзитетскиот кампус заедно со канцеларијата на тамошниот обвинител на округот Ваштенав.
„Сепак, само два месеци подоцна, сите се откажаа од обвинението и покрај тоа што полицијата не ни разговараше со осомничените“, вели мајката за USA Today.
Бидејќи жртвата била мртва, полицијата одлучила дека случајот не вреди да се истражува.