Судскиот совет го разреши апелациониот судија Енвер Беџети, кој од декември 2024 година е на црната листа на американскиот Стејт департмент како корумпиран функционер и персона нон грата за влез во САД.
Информациите за неговото разрешување беа нелегално објавени во јавноста од страна на Судскиот совет, со оглед на тоа што одлуката сè уште не е конечна, бидејќи Беџети има право на жалба пред Советот за жалби на Врховниот суд. Поради оваа причина, Судскиот совет не дава детали за причините за одлуката.
Основното обвинителство води постапка против Беџети, истражувајќи коруптивни дела и злоупотреба на влијание. Во јануари 2023 година, комисијата на Судскиот совет утврди дека тој намерно го одложил случајот на Сашо Мијалков, за да застари предметот и со тоа да се прекрши законот, додека во ноември истата година му беше изречена казна одбиток од 20% од плата. 9 члена на Судскиот совет гласаа за разрешување на судијата Беџети.